Geestelike voorwerpe word gereeld teëgekom wanneer die geestelike ryk akkuraat onderskei word. Geestelike voorwerpe kan hake, toebehore, stukke tegnologie, inplantings, drade, rekenaars, en meer wees. Dit kan ook messe, byle, spiese en ander wapens wees wat in ‘n persoon se liggaam, siel of gees vasgesteek is. Hierdie objekte bestaan in die geestelike ryk maar kan ‘n koppeling hê met die fisiese liggaam en kan selfs die oorsaak wees van voortdurende siekte(s) of fisiologiese ongemak. Baie van diegene wat al geestelike voorwerpe teëgekom het in hulle bediening het geleer dat hierdie voorwerpe redelik moeilik kan wees om te verwyder, selfs nadat die bloed van Jesus en die Naam van Jesus opgeroep is. Hierdie gebed voorsien ongelooflike effektiewe taal wat jou sal help om met jou deurbraak in Jesus Christus in verbinding te tree.
Die Gebed
Vader in die hemel, ek kom voor U in die magtige Naam van Jesus Christus en identifiseer dat daar ‘n [beskrywing van wat geïdentifiseer word] toestel gekoppel is aan [beskryf die area van die liggaam] wat verwyder moet word. Ek spreek dat alle kragbronne en rugsteun-kragbronne in elke ryk, tydperk, tydlyn, dimensie, frekwensie, vibrasie, planeet, kosmos, konstellasie en heelal, verlede, hede en toekoms, tot in die oneindigheid, en van die begin af oor ewigheid, nou geïdentifiseer word. Ek spreek dat hulle nou uitgeprop, verwoes en verteer moet word in U heilige vuur. Ek verklaar dat elke verwante dokument, verbond, kontrak, ooreenkoms, sertifikaat, eed of gelofte wat bestaan om die instandhouding van hierdie toestel toe te laat, nou na vore gebring word. Ek noem hulle almal gestempel met die bloed van Jesus, vasgespyker aan die kruis van Jesus Christus, en verbrand met heilige verterende vuur.
Ek identifiseer alle poorte wat met hierdie toestel verband hou en verklaar dat alle paaie na die poorte deur die swaard van die Gees geskei word. Ek noem hierdie poorte permanent verseël en aan die slaap gemaak met die bloed van Jesus. Ek belemmer ook doelbewus alle kosmiese heropwekkers en herinvoegingstoestelle en protokolle, en vra vir die verwydering van elke hek, frekwensie, versperring, vergelyking, verhul-toestel, kragveld, heilige geometrie, verdedigingsprotokol, formule, toppunt van tyd of DNA-model wat dien om dit wat aangespreek is, te beskerm. Ek roep engele van die Here in wat toegerus is om die toestel te verwyder. Ek laat ‘n hemelse stof uitstort wat vir die engele alle verborge drade, kabels, skyfies, tegnologieë, komponente en verborge dinge sal identifiseer wat vinnige verwydering sal verhinder. Ek bid dat U engele die toestel sal verwyder en alle verwante stelsels en portale in die Naam van Jesus sal afbreek. Ek verklaar dat hierdie herhaal word vir elke rugsteunprogram oor alle tyd, ruimte, dimensie en werklikheid, sodat geen herbetrokkenheid of hergenerasie-program of protokol by die verwydering daarvan kan betrokke raak nie. Ek bid, Here Jesus, dat U alle merkers en opeenvolgings/rye in my persoon sal verskuif en deaktiveer wat ‘n sinteties-gedrewe herinvoeging van gebondenheid kan toelaat.
Ek spreek lewe tot alle vlees-aanhangsels in die liggaam en pas genesende balsem van Gilead, salwingsolie en die wonde van Jesus toe op alle koppelvlak punte met die fisiese liggaam. Ek vra vir lewende water om uitgestort te word om alle oorblyfsels van die toestel skoon te was en spreek dat die geteisterde gebiede nou oorstroom word met U vloeibare liefde. Ek bid nou dat die demoniese partye wat verantwoordelik is vir die invoeging van hierdie toestel, geoordeel sal word en ‘n honderdvoudige terugkeer sal ontvang vir die kwaad wat hulle teen my gepleeg het. Ek laat engele vry met die net van die Here om enigiets vas te vang wat sou probeer om weer vas te heg en terug te spring in ‘n ander plek in. Ek vra vir enigiets wat in die net versamel word om onmiddelik in die howe van die hemel in gebring te word om vir hierdie optrede geoordeel te word. Dankie vir die verwydering van hierdie demoniese toestel, en die geregtigheid wat in Jesus se Naam uitgedeel word. Amen.
